- Гістарычны агляд:
Царква
У цэнтры вёскі. Пабудавана ў 1842 г. з цэглы.
Помнік архітэктуры рэтраспектыўна-рускага стылю. Адносіцца да тыпу крыжова-купальных храмаў з паўкруглай апсідай і прамавугольным прытворам. Кубападобны аб'ём завершаны 5 цыбулепадобнымі купаламі на цыліндрычных барабанах. Цэнтры бакавых фасадаў вылучаны рызалітамі з вуглавымі гранёнымі пілонамі. Вузкія арачныя аконныя праёмы ўпрыгожаны пластычнымі ліштвамі з кілепадобнымі сандрыкамі, пілястрамі. Высокі цокаль крапаваны прамавугольнымі нішамі, апяразаны рабрыстым поясам.
У інтэр'еры 4 магутныя слупы, аб'яднаныя падпружнымі аркамі, трымаюць высокі светлавы барабан купала. Сем бакавых квадратных у плане, вылучаных аркамі частак малітоўнай залы перакрыты цыліндрычнымі з распалубкамі і крыжовымі скляпеннямі. Над уваходам на 2 драўляных іанічных калонах размешчаны хоры, якія адкрываюцца ў залу арачнымі прасветамі.
- Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4
- Адрас
- Магілёўская вобласць, Касцюковіцкі раён, в. Самацевічы
- Епархія
- Магілёўская
- Благачынне
- Клімавіцкае
- Архітэктар
- невядомы
- Від будаўніцтва
- першапачаткова праваслаўны будынак (пабудова)
- Тыпалогія храма
- прыходскі храм
- Стан храма
- не дзейнічае
- Будаўнічы матэрыял сцен
- мураваны
- Год сканчэння будаўніцтва
- 1842
- Стагоддзе сканчэння будаўніцтва
- 19
2008-2024
Пры выкарыстанні матэрыялаў сайта, калі ласка, спасылайцеся на hram.by і аўтараў.