- Гістарычны агляд:
Царква ў гонар Святой Троіцы
На вул. Кірава. Пабудавана ў 1861 г. з цэглы, рэканструявана ў канцы 1960-х гг. пад раённы Дом культуры (перакрыты 2-і паверх). Адноўлена ў 1990-я гг.
Помнік архітэктуры рэтраспектыўна-рускага стылю. Будынак цэнтральнай крыжовай кампазіцыі: да кубападобнага цэнтральнага аб'ёму далучаны аднолькавыя аб'ёмы бакавых прыдзелаў і прытвора, паўкруглая апсіда з бакавымі рызніцамі. Крылы храма накрыты пакатымі 2-х схільнымі дахамі. Цыбулепадобныя купалы на шатрах 8-гранных барабанаў завяршаюць вуглы і 4-схільны дах асноўнага аб'ёму, шацёр званіцы. У дэкоры фасадаў выкарыстаны элементы старажытнарускага царкоўнага дойлідства: атынкаваныя фасады апяразаны прафіляваным карнізам, крапаваны аркатурнымі фрызамі, надваконнымі броўкамі і арачнымі нішамі.
Унутры малітоўная зала падзелена на 3 нефы 4 магутнымі пілонамі, на якія праз ветразевыя скляпенні абапіраецца 8-гранны светлавы барабан з купалам. Нефы, прыдзелы і рызніцы перакрыты крыжовымі і цыліндрычнымі скляпеннямі, апсіда — конхай. Перад храмам пастаўлена белакаменная 3-арачная брама.
Побач з храмам у 1990-я гг. пабудавана капліца ў гонар жыхароў горада, якія загінулі ў гады 1-й сусветнай, грамадзянскай і Вялікай Айчынай войнаў.
- Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4
- Адрас
- 213677 Магілёўская вобласць, г.п. Хоцімск, вул. Кірава
- Тэлефон
- (02247) 2-12-61
- Епархія
- Магілёўская
- Благачынне
- Клімавіцкае
- Вэб сайт
- http://sobor-hotimsk.by/
- Архітэктар
- невядомы
- Від будаўніцтва
- першапачаткова праваслаўны будынак (пабудова)
- Тыпалогія храма
- прыходскі храм
- Стан храма
- дзейнічае
- Будаўнічы матэрыял сцен
- мураваны
- Год сканчэння будаўніцтва
- 1861
- Стагоддзе сканчэння будаўніцтва
- 19
2008-2024
Пры выкарыстанні матэрыялаў сайта, калі ласка, спасылайцеся на hram.by і аўтараў.