Каля шашы Гродна — Мінск. Пабудавана ў 2007 г. з цэглы.

Вырашана ў традыцыях старажытнарускага царкоўнага дойлідства. Цэнтрычны крыжова-купальны храм, завершаны цыліндрычным светлавым барабанам з цыбулепадобным купалам. Бакавыя фасады расчлянёны на 3 праслы з закамарамі, якія прарэзаны арачнымі вокнамі-трыфорыумамі. Цэнтральны і бакавыя арачныя ўваходы вылучаны парталамі-рызалітамі пад бочкавымі пакрыццямі.

(Кулагін, А. М. Праваслаўныя храмы Беларусі : Энцыкл. давед. / А. М. Кулагін. – Мінск : “Беларус.Энцыкл.”ім. П. Броўкі, 2007. – C. 365.)

* * *

21 жніўня 1997 г. кіраўніком Гродзенскай епархіяй Праасвяшчэннейшым епіскапам Арцеміем быў зацверджаны праект будучага храма.

У 2001 г. епіскап Арцемій на месцы храма, які будуецца, здзейсніў чын асвячэння і закладкі памятнай граматы.

З 2002 г. пачалося будаўніцтва храма.

У 2007 г. на храм былі ўсталяваныя купалы. Праз год — крыжы.

У 2013 г. падышлі да канца ўсе працы па аздабленні.

25 кастрычніка 2014 г.архіепіскап Гродзенскі і Ваўкавыскі Арцемій здзейсніў чын асвячэння скідзельскага храма ў гонар навамучанікаў і вызнаўцаў зямлі Беларускай.

(Храм новомучеников и исповедников земли Белорусской [Электронны рэсурс] // Гродненская епархия Белорусской Православной Церкви Московского Патриархата. – Рэжым доступу: https://orthos.org/khramy/kartochki-khramov/khram-novomuchenikov-i-ispovednikov-zemli-belorusskoi-v-g-skidele/. – Дата доступу : 23.06.2024.)