- Гістарычны агляд:
Кафедральны сабор у імя свяціцеля Мікалая Цудатворца
На вул. Шміта, сквер імя Чалюскінцаў, каля драматычнага тэатра. Пабудаваны ў 1892-94 гг. з цэглы. Папярэдні храм згадваецца ў падымным рэестры 1638 г.' і ў 1645 г. ў сувязі з існаваўшым пры ім праваслаўным брацтвам ''. Па акту Бабруйскага фінаддзела 28.4.1922 г. вынута каштоўнасцей на 2,5 тыс. залатых рублёў. У 1960-я гг. прыстасаваны пад басейн.
Адноўлены ў пачатку 21ст.
Помнік сінадальнага накірунку рэтраспектыўнарускага стылю. Існуючы храм пабудаваны ў 1892-94 гг. з цэглы. Адноўлены ў 1992 — 2007. 4-часткавую падоўжна-восевую канічную кампазіцыю фарміруюць 3-ярусная званіца-прытвор, кароткая трапезная, кубападобная
2-ярусная малітоўная зала з бакавымі прыдзеламі, 3-лопасцевая паўкруглая апсіда. Маляўніча-стракаты сілуэт фарміруюць 5-купалле цэнтральнага аб'ёму і цыбулепадобная галоўка званіцы. У дэкоры выкарыстаны традыцыйны набор атынкованых элементаў, вылучаных на ружовым фоне сцен: зубчатыя фрызы, броўкі арачных аконных праёмаў, вуглавыя лапаткі.
У інтэр'еры 4 магутныя пілоны і сістэма арак трымаюць 2-і адкрыты ярус залы і барабан цэнтральнага купала.
' Якимович Ю . А. Зодчество Белоруссии XVI-XVII в.: Справочное пособие. Мн., 1991. С.37.
'' СДГиА. Мн., 1848.С. XXXXII.
Праваслаўныя храмы Беларусі / А.М. Кулагін, З.Э. Герасімовіч, У.П. Свентахоўскі. - Мн., БелЭн, 2007.
- Адрас
- 213826 Магілёўская вобласць, г.Бабруйск, вул.Савецкая, 76
- Тэлефон
- +375225-52-73-77
- Епархія
- Бабруйская
- Благачынне
- Бабруйскае гарадское
- Вэб сайт
- http://snsobor.by
- Архітэктар
- невядомы
- Від будаўніцтва
- першапачаткова праваслаўны будынак (пабудова)
- Тыпалогія храма
- сабор
- Стан храма
- дзейнічае
- Будаўнічы матэрыял сцен
- мураваны
2008-2024
Пры выкарыстанні матэрыялаў сайта, калі ласка, спасылайцеся на hram.by і аўтараў.