- Гістарычны агляд:
Царква ў імя прападобнага Серафіма Сароўскага
У цэнтры горада, на перакрыжаванні вуліц Леніна і Міру. Пабудавана ў 1992-95 гг. з цэглы паводле праекта архітэктара Л.В. Макарэвіча.
Архітэктура храма вырашана ў стылізаваных формах старажытнарускага царкоўнага дойлідства. Уяўляе сабой цынтрычнае квадратнае ў плане збудаванне зграбных вертыкальна выцягнутых прапорцый, маляўнічага сілуэта, які фарміруе 5-купалле. Цэнтральны цыбулепадобны купал узняты на 8-гранны светлавы барабан, вуглавыя «апостальскія» купалы завяршаюць стройныя , узнятыя над фасадамі вежы. Архітэктурная выразнасць храма дасягаецца складаным рытмам высокіх арачных аконных праёмаў. Паменшанага маштабу прытвор і бакавыя прыдзелы таксама вырашаны трыма арачнымі прасламі, завершанымі макаўкамі. Уваходная высокая паперць аформлена кілепадобным казырком.
Праваслаўныя храмы Беларусі / А.М. Кулагін, З.Э. Герасімовіч, У.П. Свентахоўскі. - Мн., БелЭн, 2007.
- Адрас
- 225215, Брэсцкая вобласць, Бярозаўскі раён, г. Белаазёрск, пр. Міра, 3/10
- Тэлефон
- (01643) 2-06-06
- Епархія
- Брэсцкая
- Благачынне
- Бярозаўскае
- Вэб сайт
- https://beloozersk.cerkov.ru/
- Архітэктар
- Макарэвіч Леанід Васільевіч
- Від будаўніцтва
- першапачаткова праваслаўны будынак (пабудова)
- Тыпалогія храма
- прыходскі храм
- Стан храма
- дзейнічае
- Горадабудаўнічае рашэнне
- прыходскі комплекс
- Будаўнічы матэрыял сцен
- мураваны
- Год сканчэння будаўніцтва
- 1994
- Стагоддзе сканчэння будаўніцтва
- 20
2008-2024
Пры выкарыстанні матэрыялаў сайта, калі ласка, спасылайцеся на hram.by і аўтараў.