Новы храм пабудаваў намеснік міністра замежных спраў Расіі пад Магілёвам

Храм у гонар святога роўнаапостальнага вялікага князя Уладзіміра ў Магілёўскім раёне пабудаваў намеснік міністра замежных спраў Расіі па пытаннях процідзеяння тэрарызму Алег Сырамалотаў.

Новы храм у гонар Святога Уладзіміра пабудавалі на ўездзе ў аграгарадок Мяжысеткі. Сам Алег Сырамалотаў у месцах, адкуль яго родавыя карані, бываў толькі наездамі - прыязджаў у госці да дзеда. Мяркуючы па надпісе на мемарыяльнай дошцы ля ўваходу ў царкву, пад Магілёвам нарадзіліся і жылі яго бацькі, бабуля з дзядулем. Але ў Мяжысетках яго ведаюць.

Аграгарадок немаленькі: 1500 чалавек. А вось храма паблізу да нядаўняга часу не было. Тыя, хто хацеў схадзіць на службу, былі вымушаныя ехаць або ў Магілёў, або ў Дашкаўку. Сёння сітуацыя іншая. У царкве па святах шматлюдна. Улетку ў храм ідуць і дачнікі.

На мемарыяльнай дошцы на сцяне побач з уваходам у царкву напісана: "Храм гэты збудаваны з блаславення епіскапа Магілёўскага і Мсціслаўскага Сафронія спадзяваннем і радаваннем Сырамалотава Алега Уладзіміравіча ў памяць пра бацькоў, бабуль і дзядуляў: Уладзіміра Кузьміча і Надзею Мінаўну, Кузьму Іванавіча і Сафію Іванаўну, Міну Захаравіча і Варвару Ігнацьеўну».

Храм у гонар святога роўнаапостальнага вялікага князя Уладзіміра асвяцілі 16 студзеня 2016 года, паведамілі ў Магілёўскай епархіі. На службе былі і дабрачынец Алег Сырамалотаў, і кіраўнік Магілёўскай вобласці Уладзімір Даманеўскі. Намесніка міністра замежных спраў узнагародзілі ганаровым ордэнам у гонар Свяціцеля Кірылы Тураўскага. Алег Сырамалотаў падарыў парафіяльнай суполцы старадаўні абраз святога вялікага князя Уладзіміра.

(Новый храм построил Замминистра иностранных дел России под Могилёвом [Электронны рэсурс] // Mogilev.in . – Режим доступа: https://mogilev.in/news/1955/. – Дата доступа : 18.08.2024.)